八方早前到過余振強紀念第二中學直擊實況,其中Terry同Kobby走入籠內體驗動物喺養殖場嘅擠迫度,Terry話最初諗住與同學入去雙人道具籠「玩吓」,喺籠內曲腳而坐,「入到去就知道係好辛苦,入5分鐘就OK」,話好難想像啲動物點可以喺污穢不堪嘅籠中生存。
曾買過寵物嘅Kobby話,「入籠後幻想同排泄物一齊瞓嘅感覺,好惡劣同好辛苦」,慨嘆自己都係令寵物受苦嘅幫兇,「第一個感覺係覺得我自己好衰」。
NPV今年8月開始,喺幾間學校推行寵物籠體驗,日後更擬以唔同形式,讓市民了解更多動物之苦,例如帶參加者到野外,體驗流浪狗生活。