由韓國「國民初戀」秀智、李鍾碩主演嘅新劇《當你沉睡時》將於下周三首播，劇組近日繼續公開預告片及新相造勢，除咗有秀智、李鍾碩喺雨中即將咀嘴嘅唯美海報外，更包括李鍾碩與飾演其細佬嘅男星申載夏老友鬼鬼嘅劇照，以及秀智攬住母親痛哭嘅劇照。

而劇組方面亦表示秀智、李鍾碩等主演將於聽日現身發佈會，同時會透過直播公開後台情況，令粉絲相當期待。另外，秀智今日喺Instagram上載自己身處錄音室嘅相，唔知係咪有新搞作？