渣馬剛結束，費清唔少老友已着手訓練，有啲買埋運動手帶set過target嚟鞭策自己。adidas舊年收購咗運動app一哥Runtastic後，首推既運動手錶RuntasticMoment啱啱殺到，除咗有一般運動手帶功能，最大賣點連iPhone玫瑰金顏色既Classic傳統錶型款式，着西裝都襯得起。

RuntasticMoment既靚女品牌公關Packy話，以往運動手帶造型偏重科技化，平時返工唔易襯衫，adidasMoment回歸傳統長、短針既錶面，四種風格款式任揀，包括金屬外框錶身，配真皮錶帶既Classic，分玫瑰金同銀色兩款；講到出街或者運動都啱，有講求時尚型格設計既Elite；Young啲有藍色既矽膠錶帶Fun同設計簡約的Basic。

費清幾likeClassic，戴上手土豪金得嚟又唔太over，戴住返工暗地當做運動。費清係手機裝咗個Runtasticmeapp，就詳細睇到行咗幾多步、距離、卡路里消耗量、睡眠周期記錄，又可設定每日運動目標；費清噚日就行咗1.3萬步，幾乎10K，消耗咗二千幾卡路里，超額(1萬步)完成。雖然呢幾日落大雨，只錶防水深度達100米；又採用鋰電池可行7個月，唔使成日叉電。

想買港產運動錶都有得揀，好似HeHa爽樂推出既HeHaQi，仲殺到美國拉斯維加斯既CES國際電子消費展。未聽過爽樂？佢既母公司咪就係李錦記囉。

HeHaQi功能除咗計步、監察心跳等，仲有一個健康管家，幫助配戴者處理健康問題。爽樂話，HeHaQi採取醫院常用ECG(乾性電極)技術測量心電圖裝置嚟測心跳，手帶同樣配合手機app嚟用，費清將手指按在手帶面，經2分鐘收集費清既心電訊號，手機app得出費清既復原力、生理年齡、壓力等指標。費清壓力都幾高，好在生理年歲比實際年歲細10年。即係點？費清Keep得fit。

手帶仲有3分鐘呼吸訓練法，一邊按住手帶量度心率，一邊跟手機呼吸圖樣進行呼吸，改善身體裝況。

費清＃要生計，也要生活＃毋忘初衷