開始踏入夏日熱辣辣，但今晚頭場賽事五班1650米，卻出現冷門賽果，由梁家俊策騎的何廐馬「莫己若」勝出。
這匹九歲英國馬今場出閘迅速，沿途貼欄領放，結果直路上越放越有，爆出30倍冷Win，並替馬兒取得季內首捷。至於第二至四名，順序是「威旺財」、「歐洲之星」及「甜哥兒」，四重彩73,963元。而組合獨贏方面，則由A3其他冷門勝出，派28元。
睇番近八場五班谷草一哩賽，大熱七次落第而回，包括今場「幸運波」亦唔例外。連同「莫己若」在內，近四戰何廐五駒列陣五班賽，取得兩冠一亞一季一第五佳績，本周末(7日)五班泥地1200米，何廐有「帶運伯樂」列正選，屆時值得優先留意。