眾所周知，蔡約翰是羅富全師傅，後者人前人後都叫蔡約翰做波士，顯得十分尊重他。

沙田馬場今午（15日）跑馬前，這位師徒季內都未贏馬，結果開場後逐一打開勝門，羅富全第五場先贏「朝五晚九」，蔡約翰隨即於第六場四班草地1200米，由雷神莫雷拉勝出「首飾大聖」，兩師徒就此包辦全日第五口孖寶，並且齊齊開齋。

五歲新西蘭馬「首飾大聖」出自本地拍賣會，由資深馬主兼蔡廐鐵粉董滿輝以600萬元投得，本身上仗趕及於上季煞科日（7月14日）開齋，今場大熱再下一城，單Win及組合獨贏A1分別派27.5及18.5元。此駒兩次贏馬均由雷神勝出四班田草1200米，從而取得跨季連捷。

「首飾大聖」在剛周四（12日）早上排位公佈時雖屬第一後備，但已確定由莫雷拉主轡。結果於排位後翌日（13日），由潘頓策騎的原正選馬「春風得意」退出，「首飾大聖」得以後備入替，並最終成為今場賽事頭馬。今仗牠沿途守第四位，直路加速以短馬頭位之先險勝。

蔡約翰日前獲選登入澳洲昆士蘭賽馬名人堂，今日又憑「首飾大聖」開齋，好事成雙，至於「首飾」系馬主董滿輝身在澳洲，這次由他的兒子和馬主好友陳冠生等人代拉頭馬。

第六場二至四名順序是「清新動力」、「老友威威」及「精進百樂」。

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港