【新增影片】
快必譚得志同慢必陳志全俾人認錯都唔係第一次。話說今日朝早六點香港人民力量譚得志去到灣仔金紫荊廣場，同香港眾志、社民連成員一齊用幾塊大型黑布圍住金紫荊雕塑，象徵中國一國兩制嘅承諾係一個謊言。期間一度同在場嘅保安人員僵持，快必就幫手隔開警察，分散佢地注意力，令其他人順利爬上雕塑掛黑布。

唔使講警察嚟一到就嗱嗱聲拆布，點知拆到一半，有個一柴嘅警察指住譚得志：「陳志全呀嘛？」快必鬼馬回應：「係呀，陳志全。」講完佢自己都忍唔住擰轉面笑呀。之後有另一個警員問譚攞身份證抄牌，相信唔會再擺多次烏龍啩。⁠⁠⁠⁠