當年今日

示範業餘學生新作品
吳文忻、繆非臨露獸性

蘋果日報 2002/03/30 00:00


今年春夏時裝潮流,由YSL引發一份富大自然氣息的原野味道,昨日四位女星包括吳文忻、繆非臨、梁敏儀及張睿玲便各穿animalprint服飾行天橋,型格鮮明突出。
繆非臨、吳文忻、張睿玲及梁敏儀,昨日往天水圍頌富商場出席「冰河世紀奇妙旅程之AnimalPrint花生騷」,四人擔任模特兒。

傾情演繹
四位女星傾情演繹由一班業餘學生設計的新裝,設計以大自然動物作靈感取材,野性狂野兼而有之,十分搶鏡。
而四位女星示範的服裝亦各有名堂,繆非臨以「豹妹」形象示人,吳文忻則飾演「蛇蠍美人」,張睿玲則為「斑馬之女」,而梁敏儀以「梅花鹿之女」造型亮相。
繆非臨表示近期工作較清閒,所以有時間學習高溫瑜伽和鋼琴,她說:「細個已經好想學鋼琴,但係媽咪叫我學琵琶。咁啱最近有朋友搬屋,部鋼琴唔要,就轉送畀我,我咪的起心肝學琴。」
至於感情方面,繆非臨說:「我都唔出去蒲,唔去蒲點識到男仔啫?」

頻接工作
而吳文忻表示復活節期間勤力接工作,共有五位數字的收入,她說:「接多啲show等於返一次內地登台,我寧願喺香港走多幾場,唔使舟車勞頓。而且我試過有次去內地登台,喺酒店房接到個男人嘅電話,話約我去飲咖啡,我嚇到即刻收線㖭。」