韓國綜藝節目《Running Man》(RM)近期進行全球計劃第三季「半半旅行特輯」，8位成員同製作組對決，贏嘅一方先有機會揀去海外旅行定受懲罰。節目將於後日播出最新一集，邀得「OST女王」白智英、前女團Wonder Girls成員宣美、女歌手Solbi、韓劇《壞傢伙們》女星黃承言等人任嘉賓，製作組率先公開預告相。

一眾嘉賓喺開始任務前，率先展示個人才藝，當中宣美及黃承言都揀跳性感舞蹈，引起在場男成員嘅歡呼，宣美更跪地趷籮落力表演，吸引觀眾眼球，除咗跳舞，宣美更即席扮雀仔叫，相當搞鬼。