日本九州熊本縣發生6.5級強震，目前已導致9人死亡，餘震超過100次之多，2.3萬人要疏散到避難所，令日本娛樂事業也受影響，福士蒼汰同土屋太鳳主演嘅新劇《極樂天使》，就因呢次地震取消今日多個宣傳活動，而伊藤英明夥拍木村佳乃嘅另一新劇《我的危險妻子》都取消今日下午舉行嘅記者會。

至於定居熊本嘅前艷星井上晴美，今早接受電視台嘅電話訪問報平安，佢講述噚晚強震時嘅恐怖經歷，井上晴美表示當時好亂，地震時子女正熟睡，自己唔知應該走出街外定係留喺寓所，最後佢哋一家去咗朋友家紮營避難，現階段仲未返過屋企。

井上晴美曾經係90年代巨乳偶像，佢當年以就成為一時佳話，2000年全裸夥拍竹中直人嘅《不溶性侵犯》更加係話題之作，不過佢10年前就嫁人後即返璞歸真，同墨西哥籍丈夫先後誕下三個子女，目前身在熊本過住農耕生活。