當年今日
關於我們

【蜘蛛俠】決戰千里靠副超 EDITH現實現身

蘋果日報 2019/07/06 00:03

Iron Man蜘蛛俠復仇者聯盟太陽眼鏡

唔少已經睇咗《蜘蛛俠:決戰千里》(Spider-Man:Far From Home)的fans都話,今集可說是《復仇者》的最後完美結局,同時亦是新故事的序章。(以下有劇透)而戲中除了主角蜘蛛俠和奸角「神秘客」外,另一個最重要,又相當重戲份的就一定有Edith份。Edith在戲中是由一副太陽眼鏡操作的人功智能系統,「神秘客」用來作惡的全息影像和攻擊都完全靠佢。當然喇,更重要的是Iron Man在《復仇者聯盟3:無限之戰》亦曾經戴佢,今次傳畀蜘蛛俠,就甚有傳承意味,更有點「洋葱」。
其實Edith在現實世界中亦有出現,雖然沒有人工智能,更唔可以幫你追殺情敵和奸角,但外形就完全一樣,而它正是DITA的「FLIGHT.006」太陽眼鏡,屬同系列的第6代作品。系列首作早於2002年發表,是為了向70年代的超音波軍用機的飛行員致敬。來到最新的FLIGHT.006就利用了純鈦鏡架配上日本醋酸纖維鏡圈,特別在於把傳統的飛行員款框架變成粗框設計,增加層次和時尚感。不過要注意的是,要考慮清楚自己有冇Tony咁型,定係Peter咁可愛,睇戲就會明白同一副超,真係可以戴出完全不一樣的感覺,有型同傻仔只係一線之差。另外,戲中眼鏡盒上標示着「Stark Industries」標誌,可惜實物就冇,如果有埋呢個特別版鏡盒,對fans來說就prefect了。
記者:韓繼聰
編輯:鄒仲安
-----------------------------
瑜伽+艾灸+有營食譜,全方位紓緩經痛
《完全經痛手冊》即睇