【唔好心邪...】後藤真希自爆同21歲姨甥仔共浴17年
後藤真希Morning娘指原莉乃勸修寺保都
後藤真希曾經係當紅偶像,佢自爆多年來一直同姨甥仔共浴。
日本組合Morning娘(晨女)舊成員後藤真希曾經係少男殺手,目前佢身為賢妻良母,四年前嫁俾細自己三歲嘅圈外人,育有一子一女,近日佢亮相節目大談家事,分享當年同老公在結婚前一度分手,相隔六年後復合才決定拉埋天窗。
後藤真希今次上節目仲向晨女粉絲指原莉乃送驚喜,暱在枱底突然破枱而出,把指原大嚇一跳。節目上,後藤真希唔止容貌被網民熱烈討論,佢仲自爆肉麻親情,並帶埋已經入行嘅21歲姨甥仔勸修寺保都現身錄影廠。後藤真希透露,多年來對勸修寺保都錫到燶,由細到大都會又攬又錫,原來仲會一齊沖涼浸浴,直到姨甥仔17歲後就再冇一齊沖涼,保都就話一直視後藤真希如媽咪一樣,呢啲真係愛嘅表現。
精選娛聞,喺晒《娛果》
http://fb.com/appledailyent