爆出偷食人妻Macy的細So，日前發道歉聲明及現身受訪後，近日已「潛水」避世，相反Macy及中醫老公王先生成為追訪對象。《蘋果》昨日到王醫師在荔枝角的診所，約早上10時半左右，王醫師孭着背囊及tote bag返抵診所，當記者上前叫他：「王醫師」，他即迴避鏡頭急步進入診所，未有回應。及至晚上約8點15分，王醫師由一男一女陪同下離開診所，他戴着口罩，並低頭雙手合十地向在場傳媒說：「辛苦晒，我要返屋企。」對於任何提問，王醫師均未有回應，及後記者提到Macy稱曾想自殺及墮胎，王醫師已跟友人進入電梯，他亦只是雙手合十不回答，最後由友人駕車送他離去。

另外，Macy連日來接受不同訪問，細訴跟細So及中醫老公王先生兩年多來的三角關係。Macy透露跟細So大前年12月撻着，至前年1月驚覺染上HPV病毒，Macy稱細So仍要求與她歡好：「佢話唔介意我有HPV！」對於細So因工廈炮房加租而改為在車上見面，甚至曾到過獅子山郊野公園「車震」，Macy坦言不敢拒絕：「拒絕佢，會覺得我唔愛佢，佢會唔開心。」Macy又大談細So先在網上發動追求攻勢，又試過連續幾日放CD在自己車頭當禮物，又曾親送蛋撻到公司門口，更不時扮偶遇突然出現或送上小禮物。Macy在訪問中強調是她提出分手，坦言因情緒已負荷不來，又覺得細So熱情冷卻及變心，所以她決定先提出分手，不過細So當時卻稱仍深愛Macy。