古惑仔變古惑佬 開騷出招冧古惑老婆

蘋果日報 2013/11/08 06:00

  • empty
    成晚演唱會個個都趁機會向老婆示愛。(攝影：葉君海)
  • empty
    台上五個古惑佬又唱又跳，台下四位老婆就好開心咁喺觀眾席到自拍。
  • empty
    小春向應采兒講「ILoveYou」。
  • empty
    「大佬B」吳志雄同屋企人一齊嚟睇。
  • empty
    四位老婆喺觀眾席到冧樣盡露。
  • empty
    林曉峰老婆康子妮幫手做和音，所以喺觀眾上面。
  • empty
    但林曉峰都有向住老婆大唱冧歌。
  • empty
    錢嘉樂就上演一場自彈自唱冧老婆。
  • empty
    謝天華都係向老婆唱冧歌。
  • empty
    鄭伊健就係咁喺前奏到係咁唱蒙嘉慧嘅英文名「YoYo」。
  • empty
    兩位古惑老婆自拍出來係咁嘅。
  • empty
  • empty
    好moody？出自謝天華老婆Tina手筆。
  • empty
    都係出自謝太手筆。
  • empty
    點解要將謝天華老婆個樣遮住？因為係謝太要求陳太應采兒咁做嘅。
    鄭伊健、陳小春、謝天華、錢嘉樂同林曉峰由當年嘅古惑仔，變到今日嘅個個結晒婚嘅古惑佬。噚晚就舉行咗第一場《歲月友情演唱會》。

    五個古惑佬趁住演唱會大向自己嘅老婆示愛，好似新婚嘅鄭伊健，喺《全城效應》嘅前奏到不停咁唱蒙嘉慧嘅英文名「YoYo」。陳小春唱《相依為命》嘅時候，另外四位就唱「丁丁」，搞到應采兒冧到爆，小春仲要加多句「ILoveYou」，全場即刻起哄。謝天華唱《你的愛》嗰時，四位就和音唱「LoveTina」。而林曉峰太太康子妮就喺當擔任和音，林曉峰仲好深情咁望住老婆唱《撲火》，四位仲和音唱康子妮嘅英文名「Lilly」。

    到錢嘉樂嗰時，佢去到鋼琴到準備，林曉峰就講笑話：「佢始終係武打巨星，要用拳頭彈琴。」之後嘉樂自彈自唱一曲《同一秒》送畀老婆湯盈盈，仲話：「0依首歌對我好有意義，係結婚嗰日一個好朋友唱畀我聽。我練咗幾個月，希望今晚唱來送畀我嘅另一半！」