今年3月，曾有報道指日本女星松浦亞彌將會復出歌壇，更會拍住丈夫、w-inds.主音橘慶太以夫妻檔重出江湖，當時松浦亞彌未有否認，但就揚言好享受目前嘅退隱生活。

事隔半年，松浦亞彌宣佈同Up Front Create結束17年合作關係，雙方合約已在前日正式屆滿，今後會過檔橘慶太開設嘅個人事務所，實現夫妻檔發展嘅傳聞。

松浦亞彌早在2000年以Morning娘師妹身份加入Up Front Create，當年佢備受力捧成為人氣偶像，2013年終與拍拖12年嘅慶太拉埋天窗，15年底誕下囡囡後已甚少公開露面。

另外，w-inds.三子決定今年11月11日再開香港演唱會，場地已定於九展Star Hall舉行，票價分880及1,380兩種。