足球事業的經濟地位真是越來越重要，「有波睇」除咗喺酒吧、桑拿浴室、茶餐廳招徠之道外，最近還有連鎖式快餐店，以此作為賣點。
諗來諗去都想唔通，快餐店不是講求客如輪轉的嗎？你買了漢堡包、汽水嘛，最好5分鐘內食完，然後騰出空位給另一個客人。家陣在快餐店睇波，一磨就是兩個鐘，一客快餐大約廿零蚊，條數點計好？茶餐廳有夥計「提醒」你嗌多兩杯嘢飲，快餐店卻是自助服務，留人睇波真的可以增加營業額嗎？
增設睇波服務的原來還有投注站，噚日有八鯨對飛腳，而今晚更是直播英超早場的阿仙奴對樸茨茅夫，在指定投注站直播。想來真是時移世易，以前的投注站，那有咁多影像，跑馬的時候，有聲冇畫只轉播電台節目，因為根本已迫滿人，沒空間讓客人觀戰。現在則科技進步，要睇賠率資料嘛，電視有得睇、網上亦有得睇，下注亦可用電話、網上渠道。投注站擠迫不再，反轉來設免費播波，增強人氣。而跟快餐店播波不同，這生意經易明得多，走地盤嘛，客人邊睇比賽，多會加碼幫襯吧。
張美德
[email protected]