當年今日
關於我們

應采兒、陳奕迅新正頭墳場搞搞震

蘋果日報 2002/02/26 00:00


陳奕迅、應采兒和谷祖琳昨日於年十四之時,在和合石墳場拍攝新片《幽靈人間續集之細味人間》,連平時古靈精怪的陳奕迅,亦表示自己在墳場不會亂嘈、胡亂說話。
陳奕迅(Eason)、谷祖琳、應采兒昨日在和合石墳場拍攝電影《幽靈人間續集之細味人間》外景,昨日是年十四,但他們已經要身處墳場拍戲,認真大吉利是。

要收開工利是
三位演員均異口同聲說,來到墳場拍戲要知禁忌,一定要收開工利是,收工之後最好可以做些防範措施,但求心安理得。Eason昨日拿着枴杖,拍一場拜祭戲分,他說:「嚟墳場拍戲要收利是,而禁忌都要識,好似唔好咁嘈,更加唔好亂講嘢,雖然我唔係迷信,但都唔係唔信,喺拍戲之前又冇帶平安符,百無禁忌啦!好彩開工以嚟都冇發生過乜事。」

入屋前檻火盆
對於年十四就要到墳場拍戲,本身對靈異物體有特別感應的谷祖琳無奈地說:「都冇法,有利是收嘅,我就唔係好怕,因為我可以feel到有冇嘢,但係可以令到自己心安嘅嘢,我都會做,例如收工之後唔好即刻返屋企,去啲人多嘅地方行吓,又或者入屋前檻過火盆,用碌柚葉清洗都得。」
谷祖琳在上集《幽靈人間》扮鬼樣坐地鐵,但因鬼樣太恐怖而戲分被刪剪,她表示今次同樣會有鬼樣扮相。
至於首次到墳場拍戲的應采兒就完全沒有經驗,她說:「我唔怕,有利是收咪得囉。」