【聖誕檔電影】迪士尼《破壞王2》惡鬥DC《水行俠》 張晉打出血路
DCmarvel無敵破壞王2水行俠張晉
《水行俠》同《破壞王2》一上畫分佔單日票房冠亞,《張天志》緊隨其後。
下星期就係聖誕節,佳節當前加上係電影黃金檔期之一,所以唔少電影都搶先呢個禮拜上映,主打係DC電影《水行俠》(Aquaman),套片噚日上畫。聖誕檔自然亦都唔少得,小朋友至愛嘅卡通片,所以仲有套迪士尼《無敵破壞王2:打爆互聯網》(Ralph Breaks the Internet: Wreck-it Ralph 2)同日上映。兩片獨大下,《水行俠》順利以402萬元開畫票房,成為單日票房冠軍,《無敵破壞王2:打爆互聯網》以121萬元成單日票房亞軍。
至於鍾意睇華語片嘅觀眾,今個聖誕節唔係冇選擇,因為有套張晉同Tony Jaa主演嘅動作片《葉問外傳:張天志》。今次張晉再次擔正,演出較先前嘅作品《狂獸》好好多,相對較討好。噚日上映單日票房85萬元,順利成為季軍。而近幾日都雄據單日票房冠軍嘅台灣片《比悲傷更悲傷的故事》,終於退下來,不過噚日都收46萬元。
精選娛聞,喺晒《娛果》
http://fb.com/appledailyent