當年今日
關於我們

【馬房持續攻勢】方嘉柏夾住潘頓搵食 新勝馬點會留手!

蘋果日報 2018/12/11 08:43

成才琴心星方嘉柏潘頓

谷草王方嘉柏在本周三(12日)賽事雖然只出四駒,但隻隻都係惡馬。其中,「成才」、「琴心星」及「型酒杯」均贏完再出,餘下轉倉初出之「飛雲騅」亦於上仗入位,全部有近績支持,強陣而來有力連場數糊。
第六場三班1200米的「成才」今季轉投方嘉柏馬房後,首兩仗跑田草雖無功,但前仗轉跑谷草即交出全場最快末段追近,上仗降入四班初配潘頓更立即打開勝門。
今次雖然回升三班上陣,但續配潘頓執韁,騎練今季只合作一匹勝後再出馬「活影」繼續上名跑第二,睇配搭決心乘勝追擊。
至於第八場三班1650米「琴心星」在港出賽九次,當中三次角逐谷草一哩賽,取得冠亞殿各一,反而跑其他路程均不入前四名,可見路有專長。
雖然贏完曾不良於行休息至今才復出,但上月試谷閘跑第三,做足工夫揀首本路程復出,應是配合馬房攻勢而來。
empty
成才(左)上賽夥拍潘頓,贏馬姿態輕鬆。