當年今日
關於我們

李嘉慧、LisaS.色誘北國聖誕老人

蘋果日報 2003/11/27 00:00


混血名模LisaS.、楊崢及李嘉慧等昨日往金鐘太古廣場演出「TheSeasonofLOVE」時裝騷,各人穿上性感服裝,與一名來自加拿大的聖誕老人,提早開派對慶祝聖誕佳節。
名模LisaS.、楊崢、李嘉慧昨日聯同多名模特兒往金鐘太古廣場演出「TheSeasonofLOVE」時裝騷,現場並有一名自加拿大來港的聖誕老人,預祝聖誕節來臨,昨日眾模特兒示範的服裝包括SalvatoreFerragamo、Escada及AlbertaFerretti等。李嘉慧穿上價值二萬九千五百元的AlbertaFerretti低胸晚裝,份外誘人。

慨歎男人心難測
LisaS.表示聖誕節會在工作中度過,她說:「現階段事業喺我心目中係排首位,因為我覺得男人心難測,愛情我會擺喺次要位置。不過,我都有結婚計劃嘅,希望可以喺十年內結婚生仔,有兩個仔女就最理想,到四十五歲就退休,到時就會返南非過無憂無慮嘅生活,所以𠵱家要努力搵錢囉。」
另一邊廂,問楊崢聖誕節會如何度過,會送甚麼聖誕禮物給男友?她說:「我唔興送禮嘅,或者會親自下廚煮番餐畀屋企人食。本來聖誕計劃去土耳其旅行,但係當地發生大爆炸,所以取消。」

楊崢數難忘聖誕
楊崢又表示有多個難忘的聖誕節,她說:「舊年聖誕節喺美國,點知遇上大風雪,嗰日就困咗喺機場。有一年聖誕節喺梵蒂岡望彌撒,點知之後搵唔到車,要行五個鐘先返到酒店。」
採訪:JessicaNgan
攝影:RickyChan
empty
眾模特兒與來自加拿大的聖誕老人提早慶祝聖誕節。
empty
LisaS.定下四十五歲退休,屆時返南非歎世界。
empty
楊崢穿上RobertDanes晚裝,性感撩人。