剛周三（21日）呂健威馬房「上海大師」大熱食尾糊，打開在港勝利之門，此駒臨場愈賣愈熱，全不受莫雷拉棄騎所影響。

其實勿說賽前，賽後仍有不少人對莫雷拉一而再、再而三操後推庄「上海大師」的舉動甚為費解，被質疑是否揀錯馬，抑或另有其他原因？

不過事有湊巧，嚟緊之周三（28日）谷草夜馬，呂健威旗下另一駒，已報名出爭二班1200米的「真好彩」，最近試閘勝出與晨課快跳同樣由雷神沾手，但周三騎師配搭將係蔡明紹，而莫雷拉則會替同場東廐「加州議長」執韁上陣，莫非「上海大師」事件又一次重演？

五歲馬「真好彩」上季三捷，有兩Win由雷神經手，人馬肯定合拍，但今場馬匹只負112磅出賽，但雷神近期最輕只可造115磅，對騎者來說應該係做唔到磅，所以放棄。

計埋大師傅可超兩磅出賽，雷神本身其實可接113磅座騎，可惜今次「真好彩」評負112磅，變相令雷神無緣操刀；至於係咪益下家，當然要跑過至知！