邵仲衡今日喺商台宣傳ViuTV電視劇《詭探》，佢話o依家大陸都播緊，反應都好好：「好多大陸廣告、電影有搵我，不過如果又係詭乜詭物就嘥氣，唔接好過。」

邵仲衡話呢齣劇好多嘢令佢意想不到，好似啲拍攝、剪接手法咁，不過佢強調自己鍾意新鮮感：「觀眾唔悶自己都悶啦，我成日話40歲後唔係要做多啲，而係要睇下咩唔好做，減少機會出錯，要保本。」

聽日就係香港回歸廿年嘅日子，上年7.1，邵仲衡都有份遊行（新聞連結： http://bit.ly/2snHSai ），問到佢平日喺facebook都不時講政治議題，邵仲衡自嘲最怕死：「講得嘅我會講，講愛國，我就最愛國，中國人梗係望中國好架啦，不過佢錯唔通你跟咩？總之收到嘅消息要自己分析下，講啱嘅野就得架啦。」