周日嘅日聯焦點肯定就係浦和紅鑽同廣島三箭兩支傳統勁旅對撼，主場嘅浦和今仗精銳盡出，除咗槙野智章同遠藤航等現役國腳外，老將阿部勇樹同興梠慎三都正選上陣。

今仗主場嘅浦和獲得較多攻勢，廣島大部份時間都只有零星嘅反擊機會，可惜廣島外援安達臣奧利華拉一次半單刀機會被槙野智章瓦解。戰至臨完半場時，浦和後衛遠藤航右路傳中，伏兵門前嘅青木拓矢無人看管下頂入成1:0。

換邊後作客嘅廣島搶返唔少攻勢，先有中場柏好文禁區頂左路起腳柱邊出界，去到66分鐘，柴崎晃誠喺一次門前混戰中執漏射入成1:1平手。之後到78分鐘，廣島中場稻桓祥係一次反擊中禁區內快腳施射，省中對方球員後改變方向入網成2:1反超前，最終廣島亦以呢個比數勝出。今場落敗嘅浦和開季兩場不勝，兩戰僅得1分，跌到聯賽第13位。

--------------------
踢出我天地！【HUNGRY HEART X BFB CHAMPIONS 2.0】合作活動登場！登入即得主角★7葉恭介！ http://bit.ly/2xrTKGM