韓國金牌編劇金恩淑曾執筆神劇《太陽的後裔》、《鬼怪》及《秘密花園》等，根據今日韓媒報道，生於1973年嘅金恩淑同結婚12年嘅老公離婚。

金恩淑於2006年結婚，二人育有一女，去年5月「第53屆百想藝術大賞」上金恩淑憑《鬼怪》獲大獎，佢喺台上致辭時曾公開多謝老公同女兒。而報道指，相關人士透露金恩淑承認與丈夫性格不合，決定各走各路，而金恩淑喺度過離婚時期正為下月開播嘅《陽光先生》（Mr.Sunshine〉趕筆中，而金恩淑亦因為要埋頭寫最後一集嘅《陽光先生》，所以不會出席今日劇集嘅發佈會。

對於今日驚爆離婚，金恩淑本人喺網上親自否認消息，指報道並不屬實，又話自己剛剛瞓醒就變成離婚女，表示一家三口生活得好好，海外留學嘅女兒剛剛返回韓國就出現呢啲報道，真係令人好激氣，而報道亦實在太離譜了。據知金恩淑因為要寫《陽光先生》23及24集劇本，所以缺席今日劇集發佈會。

另外，前年嘅《太陽的後裔》熱爆全城，劇集仲係宋仲基同宋慧喬嘅定情之作，兩人未公開戀情時，亦不時約金恩淑飯敍，去年10月雙宋結婚，金恩淑亦有赴宴。

更多韓流，喺晒《娛果》
http://fb.com/appledailyent