畢業又名神仙過海，戴上四方帽之後，GPA有如浮雲，我唯一在意嘅，係張畢業相夠唔夠型。同密友拎束花攬住毛公仔影相，又點滿足到搶fo嘅慾望？有熱愛調理農務嘅中文大學學生，主張用有機時蔬束成畢業菜，成功吸引眼球。呢束「花」唔只型，仲好煞食，相機食完到你食，難怪接受預訂後兩個鐘，已經被搶購一空。

用蔬菜包成花束送禮，其實幾年前都流行過，但帶不起風潮。喜歡「調理農務」的中大農業發展組莊員，就想出用本地有機農場種植的菜，製成畢業花束，以成本價$79賣給同學，祝他們搵工易過食生菜，撐起本土農業之餘，又可避免花束最後落在垃圾桶造成浪費。為了製作「畢業時蔬花束」，他們特別到農墟物色時令靚菜，例如形狀似花、未結球的紫椰菜，以及有抗癌作用、烘乾後香脆可口的羽衣甘藍。這些有機菜不似一般花束的鮮花，沒有明顯莖部，不易紮成花束，為甚麼同學要挑戰難度，將它們紮成穩固的畢業花束？負責買菜的中大農業發展組副主席劉嘉盈說，「因為花束不能吃，但菜拍完照後可以吃掉，不會造成浪費。」工商管理系畢業的吳天妤，收到朋友送的「畢業時蔬花束」，覺得花束以蔬菜製成很有意思，紫椰菜有花的感覺，十分漂亮。

記者：彭海燕