《歌聲魅影》改編自同名經典歌劇，雖則佢今次係拍成電影，但模式就照足原著以「歌劇」演出，所以台詞由頭唱到尾，要求聲效當然係高好多啦！今次3區版使用現時DVDVideo最高階的dts96KHz/24bit/6聲道（就是DVDAudio都只係去到192KHz/24bit/2道），好多碟舖做Demo試片，都係以一開場掛起水晶燈、畫面由黑轉白一段，經典嘅主題歌再加震撼場面，好多發燒碟迷都話聲效超靚，真係有種連毛髮都豎起嘅感覺！至於冇靚影院組合嘅用家都唔使太傷心，DVD內另預備有普通dts5.1聲效輸出，絕對係各類玩家都照顧到！

記者：朱崇德