韓國綜藝節目出名多，最新一個就係SuperJunior成員利特同《超人回來了》孖仔老竇李輝才一齊主持嘅《天生緣分歸來》。

《天生緣分歸來》前身係名嘴姜虎東於2002年主持嘅明星情侶配對節目《天生緣分》，當時Rain、尹恩惠、PSY、韓彩英等韓星都有份演出，仲成功入屋得到觀眾嘅愛戴。

利特主持嘅呢個復活版《天生緣分歸來》，將於今個月24號首播，演出陣容強勁，包括有SHINee嘅泰民、SuperJunior-M嘅Henry、韓片《技術者們》男星李玹雨、女團Secret成員全孝盛、日本女星藤井美菜等等。