36歲安以軒同澳門德晉集團CEO陳榮煉今晚喺台北文華方酒店舉行婚宴，賓客名單有大小S、林依晨、陳妍希、潘瑋柏同任賢齊等，婚禮請柬仲好有心思，為咗配合電影嘅主題，請柬設計成劇院門票款式，婚宴佈置就以電影為主題，黑、紅、金色做主色，令人好似置身電影院咁嘅格調，迎賓區以Time Machine為主題，以菲林形式回顧「小叮噹（安以軒對陳榮煉暱稱）夫婦」相戀過程。

一對新人晚上6點幾，出嚟見一眾傳媒，問到佢哋點稱呼大家，安以軒話喺外面叫老公做「陳先生」、「六五」(老公被叫65係因為陳榮煉英文名字Levo嘅諧音)，喺屋企嗰陣就叫佢「北鼻」，陳榮煉喺人前叫老婆做「軒」，喺家就叫佢「北鼻」，之後安以軒就晒出老公送嘅10.57卡婚戒，由於安以軒一向份人好低調，所以晒婚戒時，佢都有啲怕羞，用手遮面，

此外，升呢做人母嘅陳妍希，以連身裙示人，生完B嘅妍希反而少咗陣仙氣，多咗一陣女人味，行成熟美路線，佢亦大方分享生仔秘訣就係「早點睡覺」。