何佩瑜（Jeana）過埋4月生日就29歲，喺生日之前，同拍拖年半嘅導演翁子光分手。

Jeana喺2010年出道以嚟，演好多靚女角色，因為佢真係有晒靚女嘅條件，美貌、身材、長腿統統都有齊。Jeana當年喺《婚前試愛》、《熱浪愛球戰》呢啲青年路線嘅電影入面有客串，亦喺王家衛《一代宗師》入面其中一位金樓女子。

Jeana亦都參與過好多港產片，以佢42吋長腿嚟講，喺新一輩女演員中都數一數二，令佢有機會拍一啲《辣警霸王花》之類嘅動作片。事業心旺盛就梗係想繼續拍戲，Jeana早前話過想35歲先結婚，但o依家就……要搵新對象先得，回復單身一段時間嘅Jeana，o依家身邊有冇追求者？佢話：「冇呀，隨緣啦！」