鄺美雲(Cally)、關心妍(Jade)、謝玲玲、梁唐青儀、黃又南及裕美今日參與會展活動，見證金鈴首次設計腕表，並將部份收益為30萬撥捐Jade成立「妍亮生命慈善基金」，金鈴表示由初稿設計，經多次修改至面世，差不多用咗半年時間，當中最困難係控制成本、但又爭取做到最靚嘅環節。

Jade在發佈會前數天先知道善款數字，令佢非常感動，因為足夠中心營運一年。去年舉辦過籌款活動，但成效並非太大，Jade說：「今年唔搞籌款，自己親身教唱歌，再將學費用嚟做營運資金，每日送完囡囡返學我就返去教，每日教差不多5個鐘，都做咗兩個月，由於未有錢請長工，所以老公都要嚟幫手做粗重嘢，不過我有煮飯佢食。」由於音樂治療費用非常貴，所以基金主要資助低收入人士接受治療。

Cally每年都定下一個金額做善事，早前同朋友們為竹園一間老人院設置音樂室，問到會否到老人院獻唱，佢話：「我自己都唔識唱粵曲，主要都係唱時代曲，唱自己嘅歌，但係好多時都係新年去做探訪，所以主要都係唱喜慶嘅新年歌曲。」

謝玲玲都好有興趣為慈善而設計珠寶或腕表，過去多年不時捐贈自己畫作籌款，講到一對愛孫有冇遺傳佢嘅畫畫天份，謝玲玲就話：「歲半嘅孫女好有天份，畫嘅話好似畢加索咁，同三歲孫仔都會成日送畫畀我。」

精選娛聞，喺晒《娛果》
http://fb.com/appledailyent