疫苗接種︱香港停接種BioNTech 市民斥安排混亂：咁大件事應該早啲通知！
蘋果日報 2021/03/24 17:29
疫苗接種BioNTech
政府早上10時公佈今日（24日）早上收到復星實業（香港）有限公司的書面通知，由於注意到與批號為210102的Comirnaty（復必泰疫苗）（有效期至2021年6月）藥瓶封蓋有關的包裝瑕疵，BioNTech和復星醫藥已就有關包裝瑕疵問題的原因進行調查，現階段在調查期間須即時暫停接種。有市民一早到接種中心，突被職員告知今天不能打疫苗，大呻「安排混亂」，「（接種）中心啲人全部唔清唔楚，早啲通知就唔嚟，嚟咗冇得打，咁大件事，應該早啲通知嘛！」
《蘋果》記者9時許到達元朗體育館及荃景圍體育館的BioNTech疫苗接種中心了解情況，其中元朗體育館外已豎牌，指政府將短時間內就今天社區疫苗接種中心運作作出特別公告。但當時政府還未正式公佈，接種中心向已登記的市民表示，今日不會有疫苗接種，僅登記他們的資料，未有解釋原因。
元朗體育館今早8時已停打
讀者林先生本預約今早8時到元朗體育館疫苗接種中心接種BioNTech，他到達時，中心主任在門外向市民宣佈今天不作開放，又指他們亦是5分鐘前才接到政府通知，未知原因。現場約有30至40名市民同樣準備8時接種疫苗，他們得知事件後一度鼓譟，上前與職員理論，惟職員沒有再作進一步解釋，林先生無奈地說：「大家最後只好離開，政府應早點向市民公報，聽到有人今日特登請假嚟打針，好擾民，真係無奈又可笑！」
而到荃景圍體育館接種中心的麥先生，本約了今早10時注射BioNTech復必泰疫苗，現在白行一趟，「職員話今日暫停咗，佢乜都唔知，上頭通知佢暫停，佢乜都唔清楚，佢建議我哋網上取消，但我話唔會做呢樣嘢，因網上取消係我哋責任，我要求佢解釋畀我哋聽，取消唔緊要，但要通知返我另一日預約日期，一定要咁做。」麥先生說職員只表示盡量做，沒有承諾。
麥先生又指「嚟之前唔知冇得打，知就唔嚟，嚟到先知，安排唔好，中心啲人全部唔清唔楚，冇理由。依家等佢哋消息，我要求要個別通知我（留低電話），我3月初已book咗，安排混亂唔係幾好，早啲通知就唔嚟，嚟咗冇得打，咁大件事，全港十幾個區都停止打呢隻藥，應早啲通知，一個message好易搞啫。 」
另一位前來了解的市民Nikita，她說職員表示要押後（接種），之後會再聯絡她，「佢哋有記低我名同電話號碼，如果有進一步消息會通知我。我希望可以盡快接種，呢個安排我覺得可以接受 。我知道同包裝出問題有關，但我不清楚，所以只能等待佢哋最新消息。」她又指早在新聞中已得悉停止接種復必泰，但還是過來看看能否接種。
市民電話查詢話有得打 去到冇得打
劉先生則勞氣表示， 已打過兩次電話到接種中心了解事件，但到頭來仍事與願違。「我睇到新聞報告話冇得打，我打第一次電話，我唔放心，我再打嚟問，又話有得打，但嚟到又話冇得打，冇再通知我哋，當然唔開心，你話冇，咪返去囉！」
市民麥先生指政府安排混亂，「早啲通知就唔嚟。」
劉先生勞氣表示曾致電接種中心獲知有疫苗打才來，豈知來到又話冇得打。
市民Nikita說：「佢哋有記低我名同電話號碼，如果有進一步消息會通知我。 」
荃景圍體育館接種中心有市民不知情仍照預約時間到達，被職員着留下資料。
市民向職員查詢停止接種復必泰事宜。
-----------------------------
你敢爆，我敢獎！ 立即Signal 63836568、WhatsApp 《蘋果》24小時爆相爆片熱線
或致電：63836568
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！