麥德羅及其女友劉麗萍（Apple姐）等是首批「中招」確診武肺的藝人，麥德羅在本月18日確診，今日已入院第14日，不過可能因他日前在醫院除下口罩做運動，令病情反覆致今日未能出院。麥德羅昨日轉去北區醫院，他接受《蘋果》電話訪問時表示：「我同醫生要求，之前我指數有30分，點知前幾日有個86歲老人家喺同房隔籬床，搞到我啲分數跌返落26，好傷心。我問醫生點解，我已經做運動，醫生問我做運動有冇戴口罩？我話冇戴，醫生話跳繩大啖索氣又喘氣，梗係索咗啲菌入個肺，醫生話唔可以喺病房做帶氧運動，低頻房都唔可以，叫我最多做柔軟體操拉吓筋。」

鄧達智投訴同房病友

時裝設計師鄧達智在初步確診四日後，前晚終獲安排由白車送往聯合醫院，其後入住負氣壓房治療，同房有一名確診男病人。鄧達智昨日表示在病房內戴住口罩休息：「噚晚抽血、檢驗，搞到凌晨兩點半，今朝有啲攰同埋冇胃口，其他OK。」經醫生檢查後，鄧達智昨再透露病況：「肺無花，但鼻內含病菌量高，要喺肚皮打針及食藥，繼續留喺負氣壓房，未知幾時出院。」但他指同房男病人經常不戴口罩又狂咳，已通知護士提出勸喻，但對方屢勸不改，擔心因此交叉感染。

昨日入院第九日的劉少君拍短片透露情況，但片中他未有戴上口罩：「聽日係大考試，要抽血化驗係咪pass，仲要連續兩日篤鼻（深喉唾液測試），如果測到正常就冇事。」他指化驗結果如沒有病毒下星期可出院。