台灣型男彭于晏喺電影《破風》中，除咗有唔少踩單車場面外，其中一場指因為佢所屬嘅車隊「炫光隊」唔夠經費，晏晏要同另一名隊友竇驍做侍應幫補。

雖然當時喺陽光與海灘嘅墾丁取景拍攝，不過認真不好受，兩位型男身穿單車手服飾，喺沙灘上搬搬抬抬，而且為咗令女顧客有賓至如歸感覺，被佢哋毛手毛腳。

而劇組亦因為全程喺沙灘拍攝，眾工作人員都曬黑咗唔少，好彩晏晏不時喺現場發放正能量兼搗蛋搞笑，令氣氛非常開心。