許鞍華執導、周迅、彭于晏同霍建華主演嘅《明月幾時有》於下周四喺香港上映，噚日喺北京舉行記者會同首映，彭于晏因工作冇現身記者會，但夜晚就趕得切出席首映。對於周迅失意於上海電影節影后，《明》片投資公司博納老闆于冬特別為其佢抱不平，喺台上話：「對不起，周迅。」

一直對獎項以平常心看待嘅周迅，聽到于冬咁講，佢回應話：「多少有些遺憾，得獎是非常主觀的事情，希望上映之後大家能喜歡！」周迅又講希望可以好似伊莎貝雨蓓（Isabelle Huppert）咁演到老，仲話：「為何她到這個年紀還有精彩的角色？」周迅又叫觀眾入場支持佢部新戲，咁樣先能夠好似雨蓓一樣有機會演到老。