當年今日

$100即可見飛人

蘋果日報 2004/05/19 00:00


經過兩個小時的飛行,終於由上海到達北京,經過機場也不禁望望停機坪有沒有NIKE標誌的飛機,最後梗係睇唔到啦,因為佐敦已經飛咗去廣州,參觀生產「飛人牌」商品嘅工廠!

全民嚴陣以待
可能我着住巫師隊練習衫,沿途的士司機不停同我講喬丹(佐敦的大陸譯名)乜乜物物,CheckIn後去東單體育場一逛(北京修頓,由Nike出錢修葺),因為今日MJ將會喺呢度早上十時首次公開露面,昨日所見工人重趕緊工;有一個學生甚至話會同朋友逃學嚟睇佐敦,連對面賣報紙的嬸嬸都知明天佐敦就在這兒出現,可想而知全北京已進入瘋狂狀態!
去過佐敦下榻的北京國際俱樂部飯店睇過,不算守衞森嚴,也沒有「娘到爆」的「歡迎麥可‧喬丹光臨國際俱樂部」,可喜可賀。
最後,凡喺北京Nike專門店買滿一百蚊,即可獲得喬丹見面會門票一張,即是但買件tee都有飛;相比爭崩頭都撲唔到飛嘅香港人,真係太幸福喇!(明天續)
文:Hleung
empty
佐敦今天會到北京東單體育中心,出席以自己名字命名的籃球場重建儀式。 本報特約記者北京傳真