當年今日
關於我們

【喪減43分】昔日魚腩部隊 搖身一變機會馬!

蘋果日報 2017/11/08 16:10

姚本輝郭能我的禮物減分王

角逐今晚(8日)快活谷頭場五班1800米,姚本輝馬房的「我的禮物」在港15戰零獎金,由最初80分激減至目前37分,共下調43分,成為「減分王」,但其實今季三場都輸唔遠,走勢比上季大有起色。
「減分王」上場谷草1650米沿途守4、5位,直路走勢唔差,最終得第6名,只輸給頭馬「飛壹般」1.75馬位,服役以來表現最接近一次。
唔少騎師都鍾意話:「五班賽真係乜嘢事都可以發生。」「我的禮物」由昔日魚腩部隊,變成今場機會馬,馬房上下同騎師Ironman郭能都付出唔少心血,郭能娓娓道來:「要練好呢類『三零部隊』絕對唔易呀,姚本輝花咗好多心思,諗盡辦法去令『我的禮物』進步,並冇因為係五班馬而放棄。『我的禮物』均速馬增程跑1800米應好過一哩,谷草直路較短亦點都好過田草。」
「我的禮物」上場後冇盡快再出,反而操多個半月至上陣,期間郭能試咗兩課泥閘,兩次都係直路墮退,但Ironman指「我的禮物」不擅泥地,試閘目的只係想省起隻馬,認定谷草才最具把握。