廖碧兒惹是非形象太深嚇怕小儀 林文龍「見證」與劉愷威戀情
蘋果日報 2021/03/17 21:44
廖碧兒劉愷威小儀是非多
廖碧兒（Bernice）最近與林曉峰為ViuTV主持《是滴是友》，將於明晚播出的一集，找來小儀做嘉賓，談到兩人的相識經過，小儀表示當時友人的飯局認識，不過最初知道Bernice有份出席飯局，未有正式接觸之前，小儀直言有點害怕：「因為Bernice畀我嘅感覺係好多是非，多是非唔係來自Bernice，而係周邊好多新聞關於佢，我擔心會講錯嘢。」與Bernice相處後，小儀對她有另一看法，發覺原來對方與自己一樣儍，是一個非常簡單的女生。
另一方面，Bernice日前亦現身網上節目《今晚有牌打》，今次與林文龍、鄧兆尊和苑瓊丹開枱，這個組合在10多年前的大台劇集《皆大歡喜》中出現過，相隔多年再聚。節目中，苑仔追問Bernice與劉愷威的一段情，苑仔取笑Berncie：「乜佢兩個唔係一嚟就一齊㗎咩？」龍爺扮「知情人士」笑指兩人一起是有過程，Bernice即時搶答︰「我唔記得啦！」龍爺笑笑再說：「你梗係話唔記得啦，我記得嘛！」聽到苑仔和龍爺一唱一和，Bernice扮儍笑說：「冇一齊過……唔係個個都咁講㗎咩？」
口快快認上劉愷威屋企
Bernice又指當年中文不好，需要用很多時間繙譯對白，苑仔表示既然兩人拍拖，劉愷威可以充當繙譯員，龍爺趁機「攝位」爆出一句：「繙繙吓就返咗你屋企啦！」Bernice笑稱︰「冇喎，我都冇屋企！」接着苑仔很順口地說：「即係你返咗佢（劉愷威）屋企喇？」Bernice口快快說：「係！因為有皇上（劉丹）喺度！」不過，一問到兩人分手原因，Bernice拉埋龍爺落水：「因為我同咗佢一齊咗嘛！」
至於目前的感情狀況，Bernice說有男士追求，苑仔笑稱她多緋聞，Bernice則說：「我根本都冇講過嘢，係啲人自己寫！」
小儀最初對廖碧兒印象麻麻，感覺對方有很多是非。
經過一輪相處，小儀對廖碧兒改觀。
廖碧兒被苑仔追問當年與劉愷威的戀情。（影片截圖）
廖碧兒日前出席林文龍主持的網上節目。（影片截圖）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！