盧凱彤(Ellen)今日去到柴灣為now芒果台節目錄影，今日驚傳Ellen好友林二汶「拗攣」薛凱琪撻著，佢話：「我已經恭喜佢事業再創高峰，因為上雜誌封面唔易！我知唔係真就得，所以都冇問過佢。」

咁肯定，係咪因為同二汶喺社交網po咗將同佢十指緊扣嘅相，仲留言話佢先係真愛有關？盧凱彤即笑言：「張相係噚晚我哋喺二汶父母屋企拖住手睇電視嗰陣影，因為我哋太耐無見，佢梗係要淨係愛我一個啦！」佢又堅稱覺得二汶同Fiona冇可能，同時亦話自己同二汶嘅關係唔會輕易受緋聞影響，講到咁瞹眛，唔通佢兩個先係戀人？Ellen話：「真係有人咁覺得？我同林二汶係好好姐妹，冇拍過拖，但我哋感情比情侶仲好，將來佢拍拖都要帶令一半俾我過目！」