新馬季開鑼，先祝《蘋果馬經》讀者們馬到功成，場場勝利，旗開得勝！

暑期篇幅提及過，今季最大變化必定是上周正式開幕的從化馬匹訓練中心，很多馬迷都會產生疑慮及問號。

其實評馬業界一樣有，但隨住馬會發放資訊透明度高，而且具有效率，盡量減少馬迷的疑慮。

開鑼日（2日）有11匹馬曾到從化馬場進行訓練，馬會日前於新聞稿發放「上次出賽後曾在從化訓練的出賽馬匹」名單，讓公眾知道有幾多匹馬曾到訪從化，而且標明回港日期。

當中大摩馬房的賽駒，僅於賽前兩日回港，馬迷朋友會問到，會否因時間太趕，舟車勞頓影響馬匹表現，筆者只能答，英國跑馬很多都是早上從新市場出發，乘搭幾小時車程，到其他馬場作賽取得佳績！馬迷需時間適應從化來港比賽的馬匹。

開鑼日，先留意季初急先鋒馬房，第二場方嘉柏暑期接手「有衝勁」，此駒早前試嘉年華閘走勢悅目，早段跟隨內欄位置，緊扣韁繩自動加速，終點後餘勢引人。

這匹細馬季初容易操起，上季集中跑泥地無功而還，始終兩勝都是草地賽，轉倉除配備富有新鮮感，急於季初出擊！

同場「日東昇」暑期獲減5分到34分，評分極之着數，上季煞科日（7月15日）賽事與「有衝勁」重磅下接近而回，只要出閘較順，五班着數！

第三場特首盃，出馬較少，但近四季皆是輕磅馬取勝！

「有理共想」嘉年華閘刻意跟隨馬匹後面，有遮擋下末段展步力度十足，六戰1200米只有一次塞車而失三甲，希望田泰安可以發揮出色。