韓國男團GOT7香港成員Jackson(王嘉爾)準備好開Live喇，佢好有自信咁話，「玩game冇難度」！

Jackson今次以Solo歌手身份返嚟香港，帶埋新歌《OKAY》上嚟《今日ENT》，要fans聽出耳油，仲話歡迎粉絲留言同佢傾偈。佢接受訪問時，好似有啲rap嘅感覺，佢教主持阿仙玩麻之姑同左一拳右一拳，主持阿仙拎出港式食品俾佢蒙眼估，有得用手摸，Jackson話：「係雞仔餅!我發誓係雞仔餅，我成日買，唔係雞仔餅，唔知叫咩。」主持開估係雞蛋仔，Jackson以前喺香港居住時，成日買嚟食，睇嚟佢都幾鍾意食。

Jackson之後又估另一種食品，提示係「馬」，佢估咗好多次，最終就估到係馬仔，由於冇一條啱，佢都估到有啲紅都面晒，最終估中下一款食品就係臘腸。

Jackson以前係前香港男子擊劍（佩劍）代表隊隊員，2011年通過JYP選拔，去韓國做練習生，2014年以韓團GOT7出道，今年6月於大陸成立個人工作室。

《今日ENT》Facebook Live下午2點35分準時live，Click入《蘋果》娛樂全新facebook專頁《娛果》收睇啦！

《娛果》Facebook專頁:　 http://fb.com/appledailyent