【Band仔變Band佬】覺得自己好老唔敢搵霆鋒 周國賢:佢好似冇變過咁
霹靂903歌托邦謝霆鋒RubberBandMr.周國賢
「霹靂903歌托邦」音樂會今日於亞洲博覽館外的露天廣場舉行,場地可容納近一萬人。今次大會找來14個音樂單位包括有RubberBand、謝霆鋒、周國賢、陳蕾、Mr.等,於烈日當空下演唱。
表演由RubberBand打頭陣,觀眾氣氛熱烈底下,主音6號唱到一半更落台與歌迷近距離接觸。雖然今日陽光非常猛烈,但仍無阻觀眾熱情。而周國賢於表演完畢後接受訪問時直呼好爽:「今日開頭有啲驚,因為好耐冇玩過電結他,好怕帶動唔起氣氛。」是否比較少機會接觸較大的戶外場地?周國賢說:「都唔係嘅,之前西九有試過,規模大少少。」
今日是否為4月的演唱會預演?周國賢稱:「唔係啊,形式上都唔係好同,冇萬人大Band,比較文靜啲藝術啲。」問到會否與霆鋒一同上台表演?周國賢表示自己冇參與,不過會盡量留下來欣賞表演,霆鋒亦有向他致謝,周國賢說上次兩人見面已經是14年前,當時周國賢創作了兩首歌給霆鋒。問到何不繼續寫歌給霆鋒?他笑言要等對方開口,至於為何不主動找霆鋒?他笑言:「我都覺得好神奇,我照鏡見到自己滄桑咗好多,但係佢好似冇變過咁,而家企埋去會顯老,所以唔好喇。」
樂隊Mr.於表演前接受訪問表示:「今日天氣好好冇落雨,大家都好開心。」問到會否跟霆鋒同台演出?他們說:「其實我哋好想留低睇,但今晚要為新歌錄音,好耐之前記得同霆鋒同枱食飯,起碼都6、7年前,喺演藝人協會嘅晚宴,霆鋒一定唔記得啦,但我哋一定銘記於心。」Ronny笑說:「我仲記得佢着乜,就係樽領衫加金鏈。」
Mr.將於5月再踏紅館舉行十周年演唱會,問到見到霆鋒會否乘機請對方做嘉賓?Mr.笑說:「驚保安擋住我哋,問我哋五個係邊個?有機會同佢講嘢先啦,但當然我哋好希望有機會合作。」問到演唱會籌備進度?他們說:「就係為咗紅館騷,一陣唱完趕住返去錄歌,想4月頭出到新歌,希望演唱會時唱新歌,首歌抒情又勵志,好開心創作時間縮短好多,上次首歌寫成半年,今次縮短兩三倍。」
另早前Mr.宣佈演唱會活動開facebook live,有fans取笑Ronny似足水行俠,胸前好偉大,Alan抵死說:「其實我都操緊㗎,不過我未去到水行俠咁啫。」
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef
表演嘉賓之一的周國賢於演出完畢後接受訪問時直呼「好爽」
周國賢表示:「今日開頭有啲驚,因為好耐冇玩過電結他,好怕帶動唔起氣氛。」
樂隊Mr.於表演前接受訪問表示:「今日天氣好好冇落雨,大家都好開心。」