近日反對國民教育聲音不絕，一向關注社會民生的導演杜琪峯（杜Sir），昨日在中環出席電影開鏡，他為撐反國教，穿上黑衫黑褲及戴黑超，還透點現身，十分搶鏡。他大鬧國民教育說：「香港人對於國家觀念相當重，好似華東水災，國內有乜災難，香港人、歌手會義不容辭籌款，香港人愛唔愛國，呢句嘢多餘，有人搞國民教育都係多餘，應該要有好好公民教育。」

「即係倒退」

杜Sir續說：「香港呢幾十年不停進步，今日如果行國民教育即係倒退，完全返去50年代、40年代，咁辛苦經營嘅香港核心價值唔可以咁樣，我相信公平嘅國民教育係唔使三年試，試乜鬼，試嗰個人自己都儍，試你喺實驗室㗎嘛，需要行都要公道話畀大家聽好與壞，讓下一代自己分析、尋找，不能夠一面倒畀東西佢哋。」
提到有傳中聯辦向娛樂公司施壓，不准旗下藝人再談反國教，杜Sir即說：「佢可以咁做，大家可以咁聽，自由言論嘛，西環可以講西環說話，中環講中環，獨立思想啦，你估兩位老闆可以叫人唔好講嘢咩，呢個香港嚟喎，言論自由，法治核心價值，如果改咗呢兩樣價值，大家知（椗）走啦。」
採訪：溫敏芝　攝影：仇志德