當年今日
關於我們

【扮上癮?】關智斌「裝假狗」搽厚粉反串 對女人有更深體驗

蘋果日報 2020/06/05 18:03

關智斌反串裝假狗長相守

關智斌(Kenny)最近在熱播中的內地古裝劇《長相守》中扮大理段氏的公子段月容,劇情交待他男扮女裝,跟同樣反串女扮男裝飾演花木槿的內地演員毛曉慧,假扮成夫妻,他們的造型意外合襯,近日播出相關片段後,網民對Kenny的造型一致好評,大讚嬌俏可人,而且更是嫵媚索爆,可是當他一開聲便立即大煞風景,令大家遐想幻滅,算是美中不足。
脣紅齒白、五官輪廓分明的Kenny,絕對有先天條件扮女生,再在古裝下「裝假狗」,顯得維肖維妙。Kenny今日接受《蘋果》電話訪問,他表示接演這個角色時,並沒有經過太大的心理掙扎,主要是跟該劇的導演吳錦源合作無間,Kenny認為彼此之間很有默契,他說:「佢一問我,我完全冇掙扎,二話不說就接咗,我對佢好有信心,我知道佢為咗呢個角色都物色咗好多演員,最後都係覺得我可以勝任,搵我扮女人,唔單止有gimmick,而對我嚟講,亦係一個好大嘅挑戰。」
Kenny估計自己生得一副偶像樣,所以也有信心男扮女,不過上妝時卻遇上問題,他續說:「我初初都以為自己勝任,導演監製又對我好有信心,點知上妝後先發現唔係呢一回事。我呢幾年做運動做得太多,臉度起咗菱角,尤其下巴位,我同一般女仔好唔同,女仔塊臉會飽滿啲,佢哋會有啲脂肪圓潤啲,最終我反而要搽好厚粉,同打好多陰影先扮到一個女仔。」
有過這次古裝反串經驗,Kenny日後並不抗拒拍時裝劇再扮女兒身,甚至易服癖角色,他說:「我完全唔抗拒,我扮過呢類角色,以後會對呢種角色同人物有好了解。今次扮完女人。我先知扮古裝女人原來係咁辛苦嘅,化妝比平時男人妝多一個鐘,頭飾又重,黐眼睫毛又唔舒服,仲要戴胸圍,入面要塞咗兩個包,條裙又特別窄,要小碎步咁行動,幾唔方便。我以後喺片場對女演員會特別gentleman,因為呢次體驗到女仔着古裝拍戲比男仔辛苦好多。不過呢次演出,我揣摩到好多嘢,片場度我仲同導演一齊度蘭花手動作,工作人員亦好照顧我,有着數呀!」
對於網民的讚美,Kenny很感謝:「網民佢哋太客氣,佢哋可能係我忠實粉絲,但當我將呢啲相傳畀朋友睇,佢哋全部笑到七彩,個個以為我扮女人會好睇,點知出嚟咁醜樣,佢哋可能睇唔慣。」

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
empty
(IG圖片/網上截圖)
empty
Kenny在內地古裝劇《長相守》男扮女裝做人妻(劇照)
empty
Kenny被網民讚女裝扮相夠嬌俏(IG圖片/網上截圖)
empty
Kenny在古裝劇反串(網上截圖)
empty
Kenny做出蘭花手(網上截圖)
empty
Kenny不時做gym操肌(IG圖片)
empty
Kenny赤膊出海(IG圖片)
empty
Kenny很貪靚(IG圖片)