【好似話男女平等】港姐當家港男難出頭 高鈞賢番大陸拍劇彈得起
蘋果日報 2017/09/19 00:02
高鈞賢許家傑香港先生翟威廉黃長發
喺香港，所謂嘅選美活動好多時都係一條加入演藝圈嘅路，而喺香港小姐中有唔少冠軍都成為大台嘅花旦，好似有郭羨妮、楊思琦、徐子珊等等，大台都俾咗好多機會佢哋發展，但係講到香港先生的話，喺演員呢條路上似乎就冇港姐咁好運喇。
高鈞賢
05年大台搞咗第一屆《香港先生》選舉，最初係威係勢，冠軍高鈞賢隨即簽約成為大台藝人，不過佢就越拍戲份越少，捱足9年有名冇利，連拍劇非禮阿婆、上節目講痔瘡都要做，一度令佢患上抑鬱症。14年高鈞賢決定約滿後北上搵人仔，之前更憑古裝劇《山海經之赤影傳說》彈起，嚟緊仲喺《包青天》飾演展昭。
05年大台搞咗第一屆《香港先生》選舉，最初係威係勢，冠軍高鈞賢隨即簽約成為大台藝人，不過佢就越拍戲份越少，捱足9年有名冇利，連拍劇非禮阿婆、上節目講痔瘡都要做，一度令佢患上抑鬱症。14年高鈞賢決定約滿後北上搵人仔，之前更憑古裝劇《山海經之赤影傳說》彈起，嚟緊仲喺《包青天》飾演展昭。
黃長發
06年黃長發當選後，幕前演出只有幾套劇中嘅客串閒角，最為人知嘅反而係情史，09年佢因為教法文而搭上比自己大16年、同鞋王劉劍群有個5歲女嘅三奶Karen，之後黃長發宣佈退出娛樂圈，轉行做會計師。近年佢喺Elite模特兒公司做經理。前年佢同捷克籍模特兒女友Zuzana結婚。
06年黃長發當選後，幕前演出只有幾套劇中嘅客串閒角，最為人知嘅反而係情史，09年佢因為教法文而搭上比自己大16年、同鞋王劉劍群有個5歲女嘅三奶Karen，之後黃長發宣佈退出娛樂圈，轉行做會計師。近年佢喺Elite模特兒公司做經理。前年佢同捷克籍模特兒女友Zuzana結婚。
許家傑
喺幕前撈足8年嘅許家傑，09年參選香港先生奪冠，可惜做親都係大配角，到上年《火線下的江湖大佬》，憑住「蛋撻」一角，先叫做認得吓佢，今年嘅合拍劇《踩過界》佢都有份，不過戲份就唔算多，反而之前有指佢介入龔嘉欣同鄧健泓做「第三者」，搞到佢哋分手就最有印象。
喺幕前撈足8年嘅許家傑，09年參選香港先生奪冠，可惜做親都係大配角，到上年《火線下的江湖大佬》，憑住「蛋撻」一角，先叫做認得吓佢，今年嘅合拍劇《踩過界》佢都有份，不過戲份就唔算多，反而之前有指佢介入龔嘉欣同鄧健泓做「第三者」，搞到佢哋分手就最有印象。
翟威廉
身為前亞視藝人嘅翟威廉，10年參選奪冠之後，頭幾年喺大台行行企企，做吓旅遊節目，至於喺劇集做嘅角色就真係閒中之閒，直至近兩年，角色先稍稍有啲份量，而佢多年甘心做陳庭欣隻「兵」，今年又係《踩過界》中做「兵」，夠晒諷刺。
身為前亞視藝人嘅翟威廉，10年參選奪冠之後，頭幾年喺大台行行企企，做吓旅遊節目，至於喺劇集做嘅角色就真係閒中之閒，直至近兩年，角色先稍稍有啲份量，而佢多年甘心做陳庭欣隻「兵」，今年又係《踩過界》中做「兵」，夠晒諷刺。
第一屆香港先生冠軍高鈞賢，奪冠後隨即簽約成為大台藝人。（資料圖片）
不過佢就越拍戲份越少，捱足9年有名冇利。（劇照）
14年高鈞賢決定約滿後北上搵人仔。（資料圖片）
06年黃長發當選後，幕前演出只有幾套劇中嘅客串閒角。（資料圖片）
佢阿哥黃長興（右）反而長做長有。（資料圖片）
黃長發最為人知嘅係情史，09年佢搭上鞋王嘅三奶Karen。（資料圖片）
喺幕前撈足8年嘅許家傑，09年參選香港先生奪冠。（資料圖片）
可惜做親都係大配角。（劇照）
今年嘅合拍劇《踩過界》佢都有份，不過戲份就唔算多。（資料圖片）
身為前亞視藝人嘅翟威廉（右），喺10年參選奪冠（資料圖片）
頭幾年喺大台行行企企，做吓旅遊節目。（資料圖片）
佢多年甘心做陳庭欣隻「兵」，今年又係《踩過界》中做「兵」，夠晒諷刺。（資料圖片）