本周三晚谷草跑A欄，最緊要坐包廂位。其實谷草A跑道偏差都算嚴重，以最近2月5日賽事為例，九檔或以外馬，一隻都贏唔到，至於跑法上，前置馬明顯佔優，尤其守在前領馬之後貼欄包廂位的馬，就最有利，當晚就有「多益善」、「幸運新寶」、「上浦猛將」、「赤膽」在這個食糊位建功，另有「享耆成」及「福爾摩斯」放頭帶到，所以具前速之中內檔馬，仍然可以優先留意。
今戰列陣馬中，頭場「不老精英」係全場唯一贏過谷草A欄的參戰馬，抽三檔好大機會可以守到貼欄包廂位賺形勢，有力先拔頭籌。另外，第三場「海之濤」兩次角逐谷草A欄均上名，快馬排到三檔，可以一放到底。