今年3月，關淑怡喺大嶼山愉景灣酒店出手襲擊男職員並作出恐事恐嚇，案件於7月提堂，當時關淑怡承認一項普通襲擊罪，至於另一項刑事恐嚇罪則獲控方撤銷起訴，最終被罰款2,000元。(新聞連結： http://bit.ly/2u3qA1K )

其後關淑怡都好少公開露面，噚晚佢就為李克勤嘅入行30周年演唱會做嘉賓，佢哋除咗合唱外，關淑怡仲獨唱咗一首《人生可有知己》。而噚晚去欣賞克勤演唱會嘅仲有Eason(陳奕迅)同老婆徐濠縈、劉浩龍、胡楓、羅蘭、吳雨同十優港姐麥明詩。

克勤介紹特別嘉賓時，佢話：「呢位歌手我想請佢來做嘉賓，但公司一聽佢個名，就有不同聲音，有人會問佢係咪會嚟㗎？會不會唔出現㗎？我就同公司講，唔怕，紅館又唔係沙灘邊，佢唔會有事跌落水，如果要搵佢開會，唔係酒店咪得囉！」

之後，關淑怡出場，佢有感而發咁話：我想同自己最愛及最真摯的朋友講聲多謝。克勤佢真係一個好好朋友，係我最難過，最需要朋友支持的時侯，佢係其中一個最支持我的朋友。」