有參與佔領的政黨及團體成員表示，前港督彭定康建議學生轉變雨傘運動抗爭方式、暫時退場，值得各方思考，「肥彭係國際級政客，當年單人匹馬嚟香港，玩到北京團團轉冇晒佢符，佢嘅意見係好值得深思，起碼香港冇人好似佢咁，玩贏過中共」。事實上中共、特區政府不斷試圖削弱雨傘運動的民意，「留守係死局，你去衝擊就正中中共、特區政府下懷，抹黑雨傘運動佔領者係暴民，等你冇晒民意支持，日後冇民意再撐抗爭」，故暫時退場未嘗不是保留實力的出路，「當年反國教退場，保留支持民意，先有之後咁多人出嚟撐港視同佔中」。
不過三子想法是否成事，不能單靠參與政黨及團體支持，還要看學聯、學民，以及佔領者取態，「要睇佢哋有冇咁嘅視野同勇氣，用長遠目光考慮成個雨傘運動嘅前景」。
《蘋果》記者