上個星期四，有套曾經好有話題性嘅電影上映，就係《男極探射燈》，不過佢嘅話題性就拖唔到映期，票房慘淡收場。截止噚日，上映咗5日，收得82,520港元，大家以為成績好差，咁就錯喇，因為一山還有一山低。

都係上個星期四(22號)，香港有一套戲靜靜地上，就係由陳偉霆主演，阿嬌鍾欣潼、謝霆鋒客串，戲名叫做《那件瘋狂的小事叫愛情》，套戲得兩間戲院上映，每間戲院每日上映一場，即係每日得兩場。截止噚日，上映咗5日，收得21,823港元，睇番聽嘅場次，係冇人買飛，一遍綠油油。

再睇套戲喺大陸票房，都唔算好，累積票房只係得3658.6萬，第一個星期嘅票房只係得2783.4萬，連億都唔破，喺大陸嚟講，真係算差。

大家可能都未聽過《那件瘋狂的小事叫愛情》呢套戲，介紹番：「80後的剪輯師江洋（陳偉霆飾）正經歷著人生最苦逼的日子，導演夢被嘲笑、漂亮女友（Jessica）被惦記、父親迂腐無法理喻……屋漏偏逢連夜雨，工作上又發生了重大失誤，使得江洋陰差陽錯地踏上了一段瘋狂之旅。」不過重點係套戲係以普通話播出，陳偉霆把聲仲要係配音，想聽到陳偉霆把聲嘅fans可能要失望下。

今個月冇乜大片上映，可能因為咁，所以一呢個種類嘅電影有機會上映，呢個種類嘅戲都可以上映，反而「雨傘運動」嘅紀錄片《亂世備忘》就上映唔到，之前《亂世備忘》導演陳梓桓曾經講過，希望可以喺主流戲院上映，但就受到拒絕。

可能啲戲院要上映《那件瘋狂的小事叫愛情》、《男極探射燈》等等一日唔知有冇50個人睇嘅電影，所以上唔到《亂世備忘》。導演陳梓桓接受《立場新　聞》訪問，稱估計香港嘅院線出於大陸市場嘅商業考慮而自我審查，質疑被拒原因：「究竟係唔夠班，定係政治題材？」