正喺紐約進修嘅陳法拉，噚日獲著名華裔時裝設計師Vivienne Tam邀請，出席佢喺紐約時裝周嘅2018春夏系列時裝騷，同場除咗法拉，最特別嘅嘉賓就係《捉妖記2》嘅主角做嘉賓，但佢唔係梁朝偉，而係...登...登...登...係小妖王「胡巴」。

今次Vivienne Tam嘅2018春夏系列，就同《捉妖記》Crossover，法拉就趁住當時星期日，唔使返學，就特登去支持吓Vivienne同胡巴，佢話：「剛好係星期日，可以名正言順出來睇靚衫。今季Vivienne Tam嘅設計用東方嘅顏色同圖案，配上西式剪裁，完美演繹『east meets west』，最重要是我第一次見胡巴真身，他超級可愛！」而法拉都盡下地主之誼，夜晚仲帶咗胡巴去夜遊紐約，請佢睇百老匯歌劇《獅子王》（Lion King），法拉話：「胡巴睇辛巴，而且大家都是闔家歡電影裡的主角。」

而當日除咗法拉支持Vivienne Tam，仲吸引咗唔少外國名人撐場，包括名模Niki Taylor 、演員歌手Eric West 、Tashiana Washington 等。