生咗兩個仔嘅陳小韻（Cara）o依家全職做人妻湊仔，噚日下午3點幾，佢就同大仔Liam喺中環蘇豪區shopping，但佢唔係買衫，反而入咗去專賣有機健康食物嘅舖頭。

Cara喺舖頭埋手買餸，仲同店員好好傾，應該似交流健康食品心得，而佢個囝囝就一副悶樣，揸住把玩具劍玩。之後，Cara做金融嘅老公Kin就嚟匯合，仲即發現有記者影相，佢立即走入舖頭同老婆通水，同埋自動波去拎戰利品。三人離開時，Kin就拖實囝囝，而Cara笑笑口幫囝囝拎玩具，齊齊到附近上7人車走人。