【特稿】
鄉議局主席劉業強為香港求得92號籤，籤頭註明「馬謖帶兵」惹來網民議論紛紛。馬謖是三國時期的歷史人物，讀書叻但只流於紙上談兵。當年諸葛亮派馬謖守街亭這個軍事要點，但馬謖因沒有聽從諸葛亮等人建議，最終失了街亭，致諸葛亮揮淚斬馬謖。有網民認為年年考第一的林鄭一如馬謖，剛愎自用下或上演「維尼揮淚斬月娥」的結局，亦有網民指中共國家主席習近平不配做諸葛亮，最終「斬月娥」的是全香港人。

張秀賢︰超似！唔聽港人意見

玄學家麥玲玲回覆《蘋果》指，籤文有此故事隱藏，「似乎都隱喻必然有啲係人才，但係做一啲嘢冇跟到指令，或者做錯嘢，難免有撤換情況。至於係咪問責官員班底？到底車公暗示咗係邊一啲人呢？有待再睇。」

熟讀《三國演義》的元朗區議員張秀賢指：「馬謖帶兵，真係中。」他稱馬謖北伐之前，場場勝仗，奈何性格出事，自視過高、恃才傲物，結果街亭一戰慘敗，此役亦令蜀國由盛轉衰，認為馬謖與林鄭性格「超似」，上任之初未遇壓力，但同樣因性格累事，「死都唔肯聽香港人意見」，自推動「送中」一役輸到目前，呼籲港人不要與「香港馬謖」黐得太埋，「千祈唔好做林鄭隻兵」。
■記者林俊謙、譚靜雯